Picture of Admin Niuolahiki
HE HOʻOLAHA: Hoʻokumu ʻIa ʻO Ka Leo Hawaiʻi Ma ka Waihona Hoʻāhu Hawaiʻi ʻo Ulukau
by Admin Niuolahiki - Tuesday, February 9, 2016, 11:55 PM
 

ʻO Joseph Makaʻai a me Rachel Ridenour nā hoa kamaʻilio o Kauanoe Larry Kimura ma ke kahua lēkiō ʻo KCCN. ʻO Joseph Makaʻai ka ʻanakala o Kauanoe Larry Kimura.

Hilo, Hawaiʻi–Ma ke komo pū ʻana i loko o ka Māhina ʻŌlelo Hawaiʻi ʻo Pepeluali e hoʻokumu pū ai ʻo Ka Haka ʻUla O Keʻelikōlani i ka hōkeo ʻikepili pūnaewele ʻo Ka Leo Hawaiʻi ma ka hopena o Pepeluali. ʻO Ka Leo Hawaiʻi ka ʻohina mua no ka paena pūnaewele hou ma ka waihona kikohoʻe i kapa ʻia ʻo Kani ʻĀina.

He papahana lēkiō ʻōlelo-Hawaiʻi ʻo Ka Leo Hawaiʻi i hoʻolele mua ʻia ma ka lā 22 o Pepeluali o ka makahiki 1972 ma KCCN no 16 makahiki nona 417 polokolamu i kona wā mua i mālama ʻia ai. Hoʻopuka ʻia ma ka ʻōlelo Hawaiʻi a mālama ʻia e Kauanoe Larry Kimura ma o nā nīnauele ʻīwā ʻana ma ke kahua lēkiō me nā mānaleo, ʻo ka hapanui he poʻe kūpuna mai loko mai o ko Hawaiʻi poʻe mānaleo Hawaiʻi hope loa. Ma hope o kekahi wā hoʻomaha o ka makahiki 1988, ua hoʻomau ʻia ka papahana e Puakea Nogelmeir i ka makahiki 1991. I nā makahiki i hala ai, ua paʻakikī ka hoʻomau ʻia o ka papahana me nā hoa kamaʻilio mānaleo a hiki aku i ko Ka Leo Hawaiʻi hoʻolele hope loa i ka makahiki 2000.

Na Ka Leo Hawaiʻi i hoʻomalele i ka ʻōlelo Hawaiʻi a puni nā mokupuni he ʻōlelo e lohe ʻia ai he ʻōlelo wali ma kekahi wā i laha ʻole ai kēia ʻōlelo a ua hele a kākaʻikahi nā mānaleo me ka nalo koke ʻana. He mau kumuwaiwai makamae loa nā hoʻopaʻa leo no nā haumāna o ka ʻōlelo Hawaiʻi i lohe ʻia ka wali kuluma o ka hoʻopuka ʻōlelo ʻana na nā kūpuna i hui pū ʻia me ka ʻike a aʻo i kaʻana ʻia e nā hoa ʻōlelo o ka papahana.

ʻO nā polokolamu ʻumikūmālua mua nā leo o kēia hoʻopuka mua ʻana a me ko lākou mau palapalaleo, a ma hope koke mai ka piha he 417 polokolamu o ka wā o ko Ka Leo Hawaiʻi hoʻolele mua. No ka lehulehu a pau ka hōkeo ʻikepili ma ka Waihona Hoʻāhu Hawaiʻi ʻo Ulukau ma www.ulukau.org.

Ka Leo Hawaiʻi Launched On Ulukau Hawaiian Electronic Library

Corresponding with Hawaiian Language Month of February, Ka Haka ʻUla o Keʻelikōlani will be premiering the Ka Leo Hawaiʻi internet database in late February. Ka Leo Hawaiʻi will be the first collection for the new portal in the digital library called Kani ʻĀina.

Ka Leo Hawaiʻi was a Hawaiian-language radio program that first aired on February 22, 1972 on KCCN and spanned 16 years and 417 programs during its initial run. Conducted in ʻŌlelo Hawaiʻi and hosted by Kauanoe Larry Kimura, the program featured live in-studio interviews with mānaleo, most who were kūpuna and among Hawaiʻi's last native speakers of Hawaiian. Following a hiatus after 1988, the program was continued by Puakea Nogelmeier in 1991. As the years passed, it became increasingly harder to continue the program with mānaleo guests, and Ka Leo Hawaiʻi had its final airing in 2000.

Ka Leo Hawaiʻi originally gave listeners throughout the islands the opportunity to hear ʻōlelo Hawaiʻi being spoken fluently at a time when the Hawaiian language was rarely heard spoken and the remaining mānaleo were few and diminishing. The recordings are now an invaluable resource for students of Hawaiian as they learn the natural way Hawaiian was spoken by kūpuna as well as the knowledge and wisdom shared by the guests of the program.

The soft launch will include the first twelve programs and their corresponding transcripts, followed soon by all 417 episodes of Ka Leo Hawaiʻi’s initial run. The database will be accessible to all through the Ulukau Hawaiian Electronic Library at www.ulukau.org.